Nóg af vespum hér líka.

Mánudagur, og alein í kotinu. Margrét fór með pabba sínum til BS klukkan 8 í morgun. Verður að vinna hjá Möwenpick næstu tvær vikur. Hún kemur heim á eftir með Katie. Við ætlum að skiftast á að ná í þær. Klaus þarf nefnilega að vinna lengur en þær eru í starfskynningunni. Margrét er m.a.s. búin klukkan 3, en Katie er til 5. Spennandi að heyra hvernig gekk og hvað hún á að gera.
Takk fyrir öll kommentin. Alltaf jafn ljúft að lesa þau. Meira að segja þó að Arnhildur sé að skammast út í genin sín. En ég er svo alsaklaus. Guð setti þetta í okkur, og eitthvað hlýtur hann að hafa hugsað sér með það. --En hvað :)
Arnhildur--þú átt ekki að gefast upp á þessum læknum. Þú ferð og segir að mamma þín sé með vatnströppumaga- (kaskaden-maga) -sem enginn á Íslandi virðist þekkja. (Þorgerður veistu nokkuð um þetta?), segir honum að ég sé með snert af magasári, og bakflæði til viðbótar. Og heimtar að fá magaspeglun. Það er ekkert vont. Þú lætur bara svæfa þig stuttri svæfingu. Og þú verður bara hörð--og hananú! :) Getur tekið afa þinn með. Hann lætur ekki henda sér út fyrr en hann fær tíma og aðstoð, hehehe.
Eruð þið Diddi og Affí nokkuð farin að reka mömmu í þessa augnlokaaðgerð? Hún er að fara suður um miðjan mánuð. Endilega að gera eitthvað í þessu !!!!!
Þau hringdu í morgun, og sögðu mér fra Maddý. Að hún hefði hrasað og rekið niður hendina, og farið úr olbogalið. ÆÆÆÆÆ, elsku Maddý mín. Ég sárvorkenni þér. En þakkaðu fyrir að þetta er ekki öxlin. Það væri enn verra. Vona að þú farir að fá gifs, sem heldur þessu í lagi, og lætur ekki allt fara í sundur eins og hefur verið. Hvaða vesen er þetta bara. Góðan bata elsku frænka mín.
Diddi og Þorgerður--ég tek pantoprazol-natrium, 40 mg. Er þetta eitthvað líkt og þið eruð með.? Kannski þið gætuð skrifað mér efnin í ykkar töflum. Því það er sko alltaf allt betra heima, og ég vil fá sömu töflur, ekki spurning :)
Hér eru vespurnar ansi kræfar. Er búin að drepa einar 8 í eldhúsinu undanfarið. Gaman að vinna í bakaríinu þar sem þær fljúga ofan við kökurnar, geðslegt, eða þannig :) :) :)
Við fengum æðislega helgi. Eftir hádegið á laugardaginn kom sólin. Fór allavega í 23 um helgina. Við vorum úti við að slá grasið, -Á og M, og saga stórar greinar, sem uxu yfir girðinguna, -Klaus.
Hreinsaði beð, klippti, plokkaði og gróf holur til að setja blóm í. Ætla að færa eitthvað til, sem vex illa á núverandi stöðum.
Á laugardaginn fór ég að gefa kisu. Var búin að fá leyfi til að setja allt frosna dótið úr frystiskápnum mínum í kistuna hjá Frau Kühle. Fór með 4 poka. Gat nú loksins þrifið skápinn í ró og næði. Án þess að vera á fullu með heitt vatn og hárblásarann. Ekki veitt nú af, og ég er svo fegin að vera búin að koma þessu frá.
Í dag er ég svo að fara í gegn um bæklinga, og henda þeim. Taka stofuna í gegn, og ekki sér fyrir endann á því :)
Allt gengur vel í vinnunni. 1. bekkur er svo "sætur". Það er hægt að fá þau til að vera hugfangin af litlu. Eins og er eru gamlar dúkkur frá McDon og dót úr Kindereier vinsælast :)
Er ekki enn farin að redda kassa til að koma dótinu heim. Fyrirgefðu Malla mín. Viltu kannski að ég sendi þér þetta í smáböggli og flugi. Það tekur annars vanalega um 3 vikur með sjópóstinum.
Vona að ég geti farið í þetta eftir morgundaginn. Er jú loks komin með bíl, og get flutt pappakassa milli húsa :)
Er ólag á tölvu Maddýar? Og pabba tölvu líka? Held að það ætti að kanna hvort einhver geti gert við þetta án þess að biðja Ella um aðstoð. Hann er örugglega þreyttur eftir vinnu og nám. Pabbi getur borgað fyrir viðgerðir. Hann á nóga seðla. Sleppir bara einum krossi.
Sé alveg Affí fyrir mér með bogið bakið undan gullinu!