Enginn bíll fyrir mig.

Ekki var blái bílinn tilbúinn í fyrradag. Hann var svo prufukeyrður í gær, og bilaði þá aftur. Er víst út af því að varahlutur var ekki í lagi. Allavega fær Klaus ókeypis bíl frá verkstæðinu í viku, eða þar til okkar er kominn í lag. Svo Klaus kemur á honum heim seinni partinn, og við þurfum síðan til BS að ná í minn rauða. Hef sloppið vel á hjólinu milli skúra. Alltaf einhver rigning, en spáin fyrir helgina frábær.
Fór til læknis í gær út af eilífu ropi og veseni í maga. Er alltaf sár í hálsinum á morgnana og held að það sé út af þessu bakflæði. Spurði Weiland hvað væri hægt að gera. Hann kom alveg af fjöllum. Hvort ég tæki ekki alltaf dropa gegn þessum óþægindum! Ég fór fyrir einum 5 árum til magasérsfræðings, og þá lét Weiland mig fá dropa, sem ég átti að taka "eftir þörfum". Síðan hefur hann aldrei nefnt þessa dropa á nafn, hvað þá gefið mér lyfseðil út á þá. Það er sem sagt sjúklingurinn, sem á að sjá um að fá sín meðöl, ekki læknirinn Ég vildi vita hvort ekki þyrfti að fylgjast með maganum. Hvort það væri ekki rétt að ég væri með snert af magasári. En hann fann nú ekki skýrsluna frá sérfræðingnum. Hún væri víst frammi í gömlu skjölunum.Svo sagði ég honum að læknirinn minn í Gifhorn hefði fullyrt að ég væri með óþol gegn öllum tegundum af korni. Hann tók þessu líka létt, eins og öllu öðru. Ég ætti þá bara að sleppa að borða þetta allt i viku, og sjá til hvort ég yrði hressari. Það væri engin ástæða til að fara í dýra blóðprufu, sem kosti mig 500 evrur, og sé lítið marktæk. En allavega fékk ég út úr þessari heimsókn dropa og pillur, sem eiga að gera það að verkum að ég verði ekki ropandi langt frá á nótt. Og fer svo í okt. í tékkun, og við sjáum svo hvað kemur úr úr því.
Væri gaman að heyra hvað Diddi og Sigyn segja um sína sjúkrasögu. Eru þau ekki með bakflæði, og hvað er gert í því heima?
Margrét fékk að hlaupa í stað þess að fara í sund :) Hún og Katie mættu báðar nmeð afsökun frá elsku mömmu :) Og fengu þær fréttir að eftir þennan bekk væri ekki meiri sundkennsla :):):)
Margrét var vel búin á því þegar hún kom heim klukkan næstum hálf fimm í gær. Ég keypti vítamín handa henni í gær, og steingleymdi að hún er af ættinni! Hún getur ekki með nokkru ráði gleypt pillur. En í dag ætlum við að reyna aðferð ömmu gömlu og mylja þetta niður í jógurtina :)
Klaus vann með vinnuhópi frá VW verksmiðjunum í gær. Einhverjar mælingar, sem hann og kollegar hans vinna fyrir VW. Hann fór svo út að borða með þeim, og kom seint heim. Ég horfði ein á Mrs. Doubtfire. Alltaf góð.
Úti er dimmt og ég ekki komin í stuð að gera nokkuð. Fer kannski snemma í vinnuna og undirbý eitthvað föndur.
Flott hjá Svanhildi að drífa í ritgerðinni, og fara í frönsku. Já, kannski Arnaldur læri bara af þessu og útskrifist líka, híhí. Það er svo sannarlega satt að skandínavísku konurnar eru ekki hræddar við að takast á við ný verkefni, og allt reddast þetta hjá þeim. Vona nú að hún litla systir mín hafi ekki farið út í of mikil verkefni. En allavega er betra að reyna, og sjá svo hvað þetta gengur en að gera ekkert. Segir sú, sem gerir ekkert. Sniff, sniff. En það er allavega einhver hreyfing í þessu hjá mér. Kemst vonandi að því í dag eða eftir helgi hvaða möguleikar eru með vinnu í Studienkreis.
Hafið það gott, og góða helgi.