Aleinar heima og engir gestir.

Föstudagsmorgunn, og rólegheitin óvenjuleg. Klaus farinn í vinnuna. Svo ég vakna klukkan 7 alla mogna. En kúri nú áfram. Í morgun þvílík leti. Ekkert farið út í bakarí að ná í rúndstykki handa gestum, eða verið að þrífa eftir ferðlag eða áður en gestir koma. Maður bara veit ekki hvað á að gera við tímann :) Nei, ekki skortir nú verkefnin þar sem garðurinn er fullur af illgresi, og greinum, sem þarf að klippa. Það er búið að vera yndislegt að hitta alla þessa ættingja bæði í Köben og hér undanfarið. Það var svo gaman að hafa Möllu og Össa hérna, og fá að kynnast Skaðræðisgripnum--ég heiti ekki skaðræðisgripur !. Og ekki bætti nú úr skák þegar Ádda frænka kallaði hann orkubolta. Ég heiti ekki orkubolti! En hann Kirstján er með ótakmarkaða orku. Það er sko staðreynd. Og sætur er hann og mikil rúsina. Einar er voða blíður og fékkst alveg til að vera í fanginu á Margréti frænku. Hún var líka dugleg að vera í boltaleik við þá, og sinna þeim. Það er ómetanlegt að fá að vera þessum krökkum, og kannski þeir muni eftir okkur úr þessu.
Ég gat bara allt of lítið dekrað við Möllu. Þau voru svo sjálfstæð að þau fóru bara ein í tvö skifti. Fyrst í Zoo í Hannover, og svo í Erse park, en þá fór Margrét reyndar með. Þau voru heppin með veður. Núna er hér úrhellisdemba. En einn af dögunum notuðum við í BS. Þá gat ég passað innkaupapokana fyrir Möllu, (það kom samt enginn til mín og klappaði á bakið á mér og sagði "stakkels" eins og við Affí í Fields!) og boðið henni upp á kók og köku í Möwenpick. :)
Þórdís--það var sko risa berjaterta--Hvenær kemur þú næst!? :) :)
Össi var nú ekki í vandræðum með að hugsa um strákana og þeir fóru einir í ferð að skoða í mótorhjólabúð, og borðuðu á Burger King. Svo hittum við þá í Schlossarkaden í BS. Össi var svo fenginn til að krydda kjúklinga og sjá um stikingu.( Nammi, æðislegir. ) Einar var nú hissa á því. Malla sagði að nú þyrftu þau heim til að elda."ætlar Ádda ekki að elda handa okkur?"
Við Malla fórum í eina góða hjólferð eitt kvöldið. Reyndar var orðið dimmt þegar við vorum komnar af stað, og ég fór með hana á dimman stíg, en enginn réðst á okkur :)
Þetta var bara allt of stutt, en verður bara lengra næst.
Og svo bíð ég eftir hinum "skvísunum" í heimsókn. Sendi þeirra börnum ekki neitt því þau verða að koma hingað svo ég geti gefið þeim pínu gjöf, og keypt ís og slíkt. ( stubbarnir fengu nærbuxur frá gömlu frænku)
Og svo eru þau að fljúga heim í dag. Vona að allt gangi vel.
Stuttu eftir að þau fóru var svo hringt. Sigga hans Stefáns Arnar á leiðinni frá Ítalíu, hún, Stefán Örn og þær tvær yngstu. Þau komu svo við í kaffi í gær, og stönsuðu í hálfan annan tíma á leiðinni til Flensburg. Dæturnar vildu gjarnan komast í innkaupamiðstöð. Kannast maður nokkuð við slíkt :)Stefán Örn vildi ekki fara að stansa í Hannover eða fara til BS. Í Flensburg væri rosa innkaupamiðstöð, og nú vill Margrét komast þangað líka :) :) :)
Það var SVO gaman að hitta þau. Sigga alltaf svo indæl og jákvæð. Stelpurnar svo greinilega vel upp aldar og kurteisar, og mestu myndarstelpur. Það er ekki lítils virði fyrir Margréti að fá að kynnast þessum frænkum og frændum. Finna að hún er ein af stórum og glæsilegum hópi, sem er hennar fjölskylda. Við erum svo heppin með fjölskyldu. Allir hafa galla, en kostirnir vega meira. Allavega er ég alsæl !!!!
Stefán Örn lítur svo vel út, og hann er svo kátur og hress. Hann er greinilega búinn að finna sinn stað í tilverunni. Og Sigga er mamma og amma fram í fingurgómana, með börnin og barnbörnin alveg í næsta nágrenni. Fimmta barnabarnið á leiðinni í nóvember, og amma Bibba væntanleg, líklega með Sirrý.
Nú. Að öðru leiti er það bilaður bíll, sem er aðalmálið í bili. Gírkassinn er ónýtur i 6 ára bláa bílnum! Ekki var það mikil ending. Hann er líklega um það bil 10 þúsund evra virði í dag. En viðgerðin kostar um 4500 evrur. Klaus er að pæla í því að selja hann og kaupa nýjan. Ef till vill þá ekki VW, en það er enn á henni huldu. Svo hann ekur á mínum í vinnuna, og við Margrét erum bíllausar. Morguninn, sem við fórum með Möllu til BS, ók ég honum í vinnuna, og sótti svo eftir bæjarferðina. Það er kostur að vera bílaus hvað það snertir að við fórum þá á hjóli :) Gott fyrir líkamann. Enda er ég komin niður í næstum 75.5 eftir allt labbið í Köben og hjóltúra og vinnu í húsinu undanfarið. Frábært.
Margrét fór til læknis út af vörtum á fingrum. Það var sett á þetta sýra, sem hana sveið illlilega í. En verkar þá vonandi vel. Fer aftur næstu 4-5 vikur í framhaldsmeðferð. Ég lét líta á fótinn á mér, en eins og vanalega segir Weiland að þetta sé bara út af því að ég hafi verið í lélegum skóm, og myndaði ekkert eða skoðaði vandlega. Fékk verkjatöflur til að taka ef ég losna ekki við verki.
Við Margrét liggjum svo inn á milli í sápunni okkar, sem er voða spennandi. Bölvum þessum ólympíu leikjum, sem gera það er verkum að sápan er bara annan hvern dag :)
Tókum okkur mynd á leygu í gær. Sweet home Alabahma. Voða sæt og alveg í okkar anda.:)
Svo er hann að stytta upp, og meiningin að fara í góðan hjótúr ef veður er í lagi.
Á morgun heldur Daniela upp á afmælið sitt. Boðin í kaffi til hennar til BS.
Vona að pabbi og mamma fari nú ekki að veikjast að ráði og verði bara hress með sín hjarta og lungna vandamál. Þess óskum við svo sannarlega.
Góða helgi og hafið það gott. Affí -ekki ganga fram af þér við íbúðarstússið á Snorrabrautinni.. Guðbjörgu langar til að sjá ykkur. Líttu nú inn til hennar eða hringdu allavega. Og Þórdís--ertu svo komin á kaf í náminu?
Er loks að fara að líta á síður með myndum, sem ég hef ekki gefið mér tíma til að skoða.
Takk fyrir allt. Takk fyrir heimsóknir og kveðjur. Ykkar Áslaug ánægða :)