Seinheppin.

Held áfram þar sem hætt var á laugardagskvöldið. Eldaður fiskur. Var að borða hann sæl og glöð þegar ég fann eitthvað hart í munninum á mér. Til allrar hamingju gleypti ég þetta ekki. Því þetta var nefnilega gulltönnin mín. Sú fyrsta, sem ég fékk. Tönninni var haldið fastri með teinum, sem brotnuðu í sundur, og allt fór af í einu lagi. En teinarnir standa smá upp úr, og eru ekki beint þægilegir. Gat reddað þessu um helgina með því að setja vax yfir brotið. Fékk það frá Margréti. Hún fékk það fyrir spangirnar. Var svo að koma frá tannlækninum mínum, en fæ ekki tíma fyrr en á morgun, þrátt fyrir neyðartilfelli. Get reyndar farið til Gifhorn, en hlýt að halda þetta út með vaxinu í. Svo það er ýmislegt, sem á gengur :)
Kristín Dögg hringdi í gær að segja okkur frá óhappinu. Dugnaðarstelpa, og efast ekki um að hún hafi verið hörð af sér. Held að að amma þýska þurfi nú að senda henni smá verðlaun sem fyrst.
Takk fyrir kommentin. Hvað var þetta með mömmu í ríkinu? Var hún þar í alvöru? Vona að einhver geri skurk í þessu fyrir hana með augnlokaaðgerðina, og eins að tala við konurnar út af heimilishjálp. Mér skilst að liðið sé enn í Garði. (?)
Þorgerður á að fara í kórinn hjá Didda, ekki spurning. Góður félagsskapur, og gaman að syngja.
Var Affí að æfa sig fyrir myndatöku í bæklingnum hjá Arnhildi þegar hún reif sig úr fötunum á opinberu bílastæði. (eða þannig :)) Hahahahaha.
Veðrið um helgina var yndislegt. Við mæðgur slógum grasið, og rökuðum. Tókum plöntur og færðum til. Hreinsaði illgresi, og var hin duglegasta. Kvefið að hrella mig, en sólin hefur örugglega gert mig hressari. Svo var núðlubakstur i gærkvöldi. Í fyrsta sinn í langan tíma.
Klaus fór í göngutúr, og vann við að setja einhver forrit i tölvu Margrétar.
Margrét kemur heim í dag með Kathi. Kathi þurfti að mæta klukkan 8, og er á lagernum í dag og morgun. Þar af leiðandi fyrr búin. Vona að Margret komist líka með henni á morgun.
Stakk upp á því við Arnhildi að ég færi í vörutalninguna með henni um jólin. Henni líst náttúrlega þrælvel á þá hugmynd :) Best að fá Affí líka. Þá væri nú gaman að vera fluga á vegg. Hahahahahahahahaha.