Þvílíkur hiti.

Værum alveg til í að senda ykkur ein tíu stig. Hættum við að keyra til BS í dag. Það er svo rosalegt að vera í bænum í þessum hita. Ekki vit í að þvælast þetta með þau gömlu. Verst er að vera í bíl í þessum hita. Fór í eða yfir 30 stig í gær. Margrét situr úti undir sólhlífinni og les, mamma saumar við hliðina á henni, pabbi búinn að lesa moggann á netinu, og svo kom mamma að skoða nýju myndirnar af þessum fallegu barnabörnum á Nesinu. Mikið eru þau nú heppin að öll barnabörnin séu falleg og efnileg. Þarf ekki að gera upp á milli þeirra. Svolítill ömmu Gertrud svipur á Arnaldi á myndinni með Ástþóri á teppinu. Sigurður getur víst ekki svarið þá af sér:) Enda held ég að hann sé hæstánægður með báða synina.
Takk fyrir skrifin. Mamma biður voða vel að heilsa öllum, og við óskum Einari til hamingju með afmælið á morgun. Ekki við öðru að búast en flottri veilsu. Og svo vatnsbyssuslagur í kaupbæti, --ekki var það slæmt!
Hingað mættu 6 pólverjar til Maju við hliðina í gær til að horfa á leikinn. Þau voru nú ekki sérlega bjartsýn, enda unnu þjóðverjarnir. En það grátlega er nú að sá, sem skoraði, er pólverji. Hann var líka ekki rosalega glaður þegar hann skoraði. Búa líklega tvær sálir í einum líkama.
Var bara inni með börnin í dag, og dregið fyrir alla glugga. Mætti vera heldur kaldara.
Hafið það gott, og farið nú að skrifa í gestabókina hjá Svanhildi. Eru nokkuð nýjar myndir hjá Möllu og Kristínu? Bless, bless og bestu kveðjur--- liðið á Vorfeldweg.