Endaspretturinn.

Klukkan bara orðin hálf níu. Þau gömlu enn í bælinu, en mamma er búin að lesa um stund. Pabbi var ansi þreyttur þegar við komum heim eftir langt labb í Celle. Mamma fékk í fótinn þegar hún fór út úr bílnum, en labbaði á þrjóskunni að venju. Hún segir að ekkert sé við þessu að gera, og þetta sé eins og þegar maður misstígi sig eða snúi upp á sig. Mér datt nú í hug hvort nokkuð væri farið að bera á beinþynningu, eða eitthvað svoleiðis. Hlýtur ekki að vera hægt að skoða fæturna á henni, og mynda þetta allt? Mamma segir auðvitað að þetta komi svo sjaldan fyrir að allt sé í lagi, en hvað segir hjúkrunarfræðingur famelíunnar! Svo er eitt--. Mamma vill fara i aðgerð til að láta taka af augnlokunum. Er ekki bara hægt að panta tíma og setja hana í þetta þegar þau koma heim? Dódda-held ég fór, og þetta mun vera lítið mál.
Sólin skín, og veðurguðirnir eru hinir vinsamlegustu. Ekki jafn heitt og hjá Aldís frænku í Bæjaralandi. Gott að hún er farin að venjast veðrinu. Hefur sína kosti. Það hefði verið gaman að hitta hana í Hannover, en akkurat á laugardaginn er skírnin, sem við verðum í allan daginn. Og líklega farið þið heim snemma á sunnudaginn, eða?
Margrét var hjá Birthe vinkonu sinni i Celle meðan við röltum um í bænum. Mamma keypti sér blússu með rennilás, og reyndar bara splæsti á sig dýrri blússu. Búin að komast að því að annars fari þetta allt i gull og silfur :)
Ég var náttúrlega ekki búin að segja ykkur að pabbi gaf mér gullkross með steini, ekki nema svona 120 þúsund króna virði. Mamma fékk líka svona í afmælisgjöf. Ég var ekki með þetta á hreinu. Í gær keypti pabbi svo festi við, og hún ein kostaði um 70 evrur. Það verður nú aldeilis þegar við förum svo að selja allt gullið þegar pabbi er allur. Moldrík á eftir ,ha,ha. En hann hótar að gera okkur arflaus, eða ganga aftur.(grín, ekki alvara .)) Ég kann nú ekki á svona skartgripi, en verð líklega að vera með stássið við betri tækifæri :)
Við settumst inn á kaffihús, og ég keypti fullt af rúndstykkjum. Annars var lítið keypt.
Við getum nú reynt að kaupa hlíralausan kjól úr krókódílaskinni Affí min. Það myndi nú fara þér vel!
Jæja. Mér er ekki til setunnar boðið. Er að fara að hitta prestinn, sem átti frí í gær. Svo er heimsókn til Hildegard og Hannelore hjá Tankumsee á morgun, Ritters hjónin koma á fim., og Krimmeike-fjölskyldan kemur á fö., og svo skírn á laugardaginn. Kannski við verðum að drífa okkur í ferð til BS í dag--maður er bara svo bissí :)
Margrét er í íþróttakeppni í dag. Þeim verður líklega ekki kalt.
Væri ég ekki kjörin í Gallupkannanir? 1300 kall á timann, ekki 1500, en sama.
Ástarkveðjur -- liðið á Vorfeldweg.