Föstudagur.

Takk fyrir kommentin. Það er auðvitað best að gera það, sem Maddý segir. Vera jákvæð og hress, og bíða eftir jólunum. Ég veit að ég þarf að sætta mig við tilveruna hérna, en stundum bara gengur það ekki upp. Það getur vel verið að það hefði ekki gengið betur heima, en ég held samt ekki. Af þeirri ástæðu að heima hefði ég aldrei verið svona mikið ein. Maður verður bilaður af því að vera einn og hafa allt of mikinn tíma til að hugsa og hugsa. En jákvæðu hliðarnar eru auðvitað líka til. Og ég þarf að einblína á þær. --Aldís skrifar af hverju ég fari ekki til Jóns Árna! Það hefur því ekki talast út um okkar erfiðleika, hí,hí. Ég vildi láta stoppa og láta túristana sjá sem mest og geta tekið myndir, en bílstjórarnir vildu drífa ferðina af. --Þórdís segir að Margrét eigi að vera með vinkonum sínum. Um hvað vinkonur ert þú að tala? Hún á tvær í bekknum, sem eru að gera sína hluti i sumar. Önnur fer örugglega með kirkjunni eitthvert, og hin á líka aðrar vinkonur. Þar fyrir utan eru þau mjög fátæk, og ekki hægt að fara með henni í t.d. innkaupaferð. Væri grimmilegt.- Mér datt í hug að M. og KD. gætu verið í Reykjavík, ekki bara M. ein með KD í Ránargötu. En Ásta hafði ekki mikinn áhuga á að vera með henni í fyrra. En hver veit nema það hafi breyttst. Og kannski þær gætu verið hjá Didda. Það væri allt annað en að vera hér ein með okkur gömlu. Sennilega get ég ekki fengið neitt að gera á Akureyri, sem ég vildi helst. Það sem ég þyrfti að gera er að finna almennilega vinnu hérna sem gæti orðið til þess að ég gæti unnið sjálstætt og grætt peninga. En HVAÐ.--Meira seinna. Uppástungur vel þegnar.