Rok og rigning

Hér er ekki gengið á gönguskíðum eins og við Álftavatn, heldur veður maður pollana og berst á móti rigningunni. Ekki hefur hann Steindi fengið gott veður í þessari ferð til Hamborgar. Við hjónakornin skruppum út og sluppum nokkuð vel. Það er búið að vera skelfilegt veður frá því á fö.kvöld. Við sluppum samt vel. Víða féllu tré á vegi, og seinkun var á lestum. 5 hafa látist.
Hins vegar var hið besta veður á fö. Ég er fegin að hafa notað tímann til að hreinsa illgresi og klippa dauðar greinar. Ekki hefði ég getað það um helgina.
Margrét var á fullu. Hún mætti í skólann kl. 9 í gærmorgun. Ég sótti hana í hádeginu, og ók 3 stelpum heim í leiðinni. Sótti þær svo aftur fyrir 1. Og náði í þær um fjögurleitið. Síðan var hún að passa stelpurnar frá 7 um kvöldið. Kom heim fyrir hádegi. Búin að fara í spil og borða morgunmat með þeim. Ég var frekar lítið dugleg í gær. Rétt gerði það nauðsynlegasta.
Það var vesen á tengingunni milli tölvunnar og lyklaborðsins. Klaus endaði með að setja fartölvulyklaborðið aftur við. Og það tók sinn tíma. Núna er ég að pikka á það, og búið að tengja íslenska stafi við. Finn bara ekki spurningarmerkið.
Hringdi í Susanne í morgun, og bauð þeim í mat um páskana ef þau vildu. Á svo eftir að frétta hvort þau komi í mat, brunch eða kaffi. Talaði líka við þau gömlu í gær. Frétti að mamma væri komin í kórinn með Lillu. Efa ekki að hún sé sæl með það.
Arnhildur hringdi á fim. til að segja að þau væru að fara suður. Við fréttum svo vonandi af dvölinni seinna.
Það var heldur betur unnið í íbúðinni við hliðina. Búið að brjóta flísarnar af á baðinu og af stofugólfinu. Þau ætla greinilega að gera allt voða fínt.
Best að fara að taka meira til. Hvaðan kemur allt þetta drasl. Svo að elda kjúklingabringur í Onkel Bens sósu, voða flókið. Í gær var lax, steiktur í ponnu. Ég á minnst 20 kokkabækur, en samt er alltaf eldað það sama. Þau feðgin eru að horfa á Drake og Josh. Greinilega gaman.
5 dagar eftir. Þá er komið páskafrí. Njótið kvöldsins. Er ekki síðast danski þátturinn.