Sumarhiti.

Hann ætlar að kveðja með stæl þessi ágústmánuður. Það var mjög heitt í gær og í dag enn heitara. Það eina, sem bjargar, er að það eru ský hér og þar. En hitinn er kominn í ein 27 stig minnir mig.
Ég er búin að vera í léttasta sumarkjólnum og er samt heitt. Vildi svo gjarnan senda ykkur til Íslands eitthvað af þessum hita:)
Helstu fréttir eru annars þær að ég fór í krabbameinsskoðun og aftur fundust einhverjar breytingar, kalk eða slíkt. Aftur í vinstra brjósti. Ég fer á mánudaginn og tala við lækni í Celle. Fékk Klaus til að taka sér frí og koma með. Ég er samt nokkuð viss um að þetta verði ekki neitt slæmt. Í gær fór ég til Heilpraktiker í BS. Hún athugaði sérstaklega hvort ég væri með krabba og segir að ég sé frísk, enginn krabbi. Það eru náttúrlega ekki allir, sem trúa að svona skoðun, en ég ber mikið traust til þessara konu og kínverk lækningasaga er löng og merkileg. Svo ég ætla að bera traust til Guðs og trúa að þetta verði ekki neitt slæmt. Þá hefði nú Maddý laglega ruglast með bjarta bollann minn, hehehe.

Eftir tímann fór ég á Starbuckskaffihúsið og hitti Danielu frænku Klaus. Við sátum þar í 2 tíma og það var mjög ánægjulegt. Daginn áður fór ég til Hannover og hitti Ramonu. Við sátum líka á kaffihúsi í 2 tíma og um nóg var að spjalla. Ég fór snemma til Hannover og fann loks götu, sem er nokkuð þekkt. Heitir Lister Meile, og er bak við járnbrautarstöðina. Þar eru nokkrar verslanir, sem ekki finnast víða. Settist inn á franskt kaffihús, sem selur litlar sætar tertur og pæ. Og fékk mér sítrónupæ með mjúkum marens. Og kaffið var æði. Fann breska verslun, sem selur matvæli og drykki. Alls konar flott , sem maður þekkir frá Íslandi. T.d. eru þeir með bæði dökkan og ljósan púðursykur. Keypti 3 tegundir af engiferkexi. Það var nú æðislegt--eða svo fannst Valdemar Erni, hehe. Spurði á Facebook hvort ekki hefði verið til neitt almennilegt!

Á mánudaginn fór ég til Hildegard og Hannelore. Það var setið úti með kaffi og heimabakaðar kökur. Um nóg að spjalla og alltaf jafn notalegt að vera hjá þeim. Þær eru svo að fara til Berlin og eftir það til suður Þýskalands. Alltaf á ferðinni. Og erfitt að finna tíma, sem hægt er að heimsækja þær.

Það gengur allt vel í gæslunni. Erum bara úti með hópinn og allir að leika sér í frjálsum leik.
Á morgun á svo að koma rosalegt þrumuveður og snögg kólna. Og þá á sumarið að vera liðið. Mig langar nú ekki í meiri þrumur. Það öskraði hér í öllu og rafmagningu sló út á mánudagsmorguninn þegar eldingu sló niður hér nærri. Sumt sem sé betra á Íslandi, hahaha.

Finnst sorleg fréttin að Þórdís sé að fá sér hund. Sé hvað það er mikil vinna hjá þeim við hliðina og hvað á svo að gera við hann þegar farið er í ferðalög? Manja við hliðina er búin að kúka og pissa oft á gólfin og aumingja Sonia verður að þrífa það þegar hún kemur úr skólanum.
En séu allir sælir með þetta þá er það auðvitað gott og hollt að fá hund fyrir krakka.

Dætur mínar búnar að vera lasnar þessa vikuna og Margrét komst ekki á opið kvöld í Olso fyrir norska/þýska vini. Og fer ekki í bíó í kvöld. En í staðinn í næstu viku. Og vonandi er Arnhildur ekki að missa af miklu fyrstu dagana. Þær hljóta að fara að verða stálslegnar bráðum.

Jæja, er að fara út. Bið ykkur að hugsa til mín ef þið sendið bæn upp á við og biðjið þá um að allt fari á sem gæfulegastan veg. Það hlýtur að vera að minn tími fari að koma og ég fari að geta tekið á minum vandamálum og byrjað betra líf og verið sæl og rjóð!