Sjúkraþjálfun.

Mætti í morgun í fyrsta tímann. Lærði nokkrar æfingar fyrir mjöðm og bak. Þjálfaranum þótti ég ansi stíf í hnakkanum. Það er víst ekki sérlega gott að ég sofi með krepptan vinstri handlegg út af hræðslunni að fara úr lið. Þessi fj.. öxl er það versta, sem hrjáir mig. Eða öllu heldur óttinn, sem fylgir henni. Svo ég ætti sjálfsagt að fara að koma mér í meðferð til að losna við óttann. Voða indæl kona, þó hún jafnist örugglega ekki á við hann Bjössa. Var að lesa í blogginu hennar Kristínar að hún sé með vefjagigt. Las um það á netinu, en er svo sem ekki mikið klókari, nema hvað þetta virðist ekki vera það sama og slitgigt, né heldur gigtin hans Klaus, Bechterif eða hvernig það er nú skrifað. Já, það er nú meira með okkur í þessari famelíu!!!!!
Í gær var bara ágætt veður. En bændurnir skemmdu ánægjuna frekar, því þeir voru að bera svínahland á akrana, og ilmaði vel. Samt setti ég þvottinn út, og eftir því, sem á leið, minkaði pestin. Þvotturinn ilmaði af hreinleika! Tók gærdaginn í vorhreingerningu á baðinu. Búin með næstum allt. Tvær skúffur eftir. En annars er allt glampandi flott. Þetta var góð törn, og ég frekar þreytt á eftir. Gott að eiga afgang af fiskirétt,og var hann hitaður upp í örbylgjunni þegar margrét og ég vorum komnar heim klukkan 1. Klaus fór í 3ja koretra göngutúr þegar hann kom heim. Ég nennti ekki, enda fannst mér ég vera buin að hreyfa mig nog. En ætla í dag að labba.
Sólin skín, en það var aftur næturfrost. Hringdi loks í Ritter, vin pabba og okkar. Hann átti afmæli daginn eftir Ástu. En var í burtu. Hann skrifaði hjá sér hvenær pabbi og mamma kæmu, og þau ætla að koma hingað í júní. Píanótími hérna í dag, og best að ryksuga niðri, og taka til í stofunni. Vildi helst bara fara í hjóltúr, en ekki dugar að sinna ekki heimilistöfunum eða hvað finnst ykkur! Klaus þyrfti að fá sér nýtt hjól, með dempara og betra stýri. Held að hann ætti að drífa í því. Fær 80 ervur í launahækkun frá næstu mánaðarmótum, sem konan hans og dóttir myndu annars bara eyða í vitleysu.---- Nýja fartölvan frá Dell var að koma inn úr dyrunum. Nú held ég að mín dóttir flippi út.