Mánudagur.

Mikið voruð þið væn að kommentera hjá mér. Gaman þegar Affí og Þorgerður eru báðar að skrifa! Þetta eru svo hressar konur. Og Malla er alltaf jafn trygg. Meira að segja min lasna dóttir búin að pikka. Í dag er mánudagur í mér. Þess vegna var ég rosalega glöð að finna kommentin. Vaknaði grútsyfjuð, í hríðarslyddu, og dimmu. Lagði mig aftur, sem er enn verra. Fæ alltaf martröð--náttúrlega út af því að ég er með samviskubit að vera ekki að GERA eitthvað, ekki satt. Svona er maður. Rigning eftir kaffið. Maður er alveg að fara að fá nóg.
Sótti Margréti og Mariu í skólann, og þær undirbjuggu verkefni. Maria var svo sótt um 4. Það eina, sem ég kom í verk, var að ryksuga uppi, þrífa klósettin, --Maria þurfti sem sé ekki á óhreint klósett, gott, ekki satt! Pasta og hænsnabitar í hádeginu, og salat og brauð í kvöld. Að ósk dóttur minnar með eplum og ananas.- Er svo að fara að horfa á sjónvarpið. Þetta er nú meiri dagurinn. Talaði reyndar við pabba, sem er hinn duglegasti við að mála. Flott, og áfram með það.
Hlýt að verða eldhress á morgun, og tek þá til á loftinu. Veðrið á að fara batnandi, en hvort það stenst.- Vona að vikan hafi byrjað betur hjá ykkur. Dauðöfunda Maddý af ferðinni. Hlakka til að fá fréttir. Líklega hegðar hún sér betur með Léttfeta í för með sér, hí,hí.
Tek morgundaginn með trompi---áfram með smjörið.