Er komin heim í huganum.

Nenni ekki að gera neitt og set mig niður við tölvuna. Afslappelsi og kaffibolli á aðventunni :) Maður er í smá biðstöðu áður en farið verður að pakka niður í töskurnar, hlakka til!, - og þrífa húsið. Og svo getur maður aldeilis tekið á honum stóra sínum og fengið að hamast af krafti og fullur af gleði og tilhlökkun í jólastússinu heima! Það verða nú ekki slegin vindhöggin þegar við Margrét, Kristín Dögg og Aldís Dagmar mætum í tiltekt hjá ömmu, og skellum nokkrum piparkökum og öðru góðgæti í ofninn. Ég held að ég hlakki mest til að geta stjanað smá við mömmu og pabba, og gera eitthvað fyrir þau eftir allt, sem þau eru búin að gera í gegn um dagana. Mamma fær að sitja í hægindastól, lesa í bók, eða púsla. Og pabbi má segja mér sögur af dönsku famelíunni, og fræða Margréti um fyrri daga. Til hvers á maður uppkomin börn ef ekki til að láta þau stjana við sig,--ég bara spyr.
(eins gott að dætur mínar viti á hverju þær eiga von, híhíhí)
Áður fyrr máttum við aldrei gera neitt í eldhúsinu, en nú er ég orðin "viðurkennd húsmóðir" :) og það er nú kominn tími til að ég fái að búa til fiskibollurnar og sjóði kjöt í karrý! Oooo ég hlakka svo til að vera VIP, very important person, eða á íslensku- mikilvæg persóna!!!! Og svo skal sko Lilla fá að gera með mér kleinur í bílskúrnum, --ég held nú það.
Bestu kveðjur til Össa. Óskum honum til hamingju með afmælið í gær !
Nikulaus gleymdi okkur ekki. Hann gaf Margréti klút. (Fann hann víst í Vero Moda, híhí.) Bók, "Just like Heaven" og BH og loks súkkulaðijólasvein. Klaus fékk fínt deosprey og núggat. Og ég fékk tyrkneskt hunang, með súkkulaði og hnetum. Algert æði, og ætla að koma með það heim og gef góðu fólki með mér!!! Við renndum svo sem fyrr segir til BS. Byrjuðum á að fara til Ikea og kaupa vínglösin handa Danielu. Svo á jólamarkaðinn, sem var æðislegur eins og alltaf. Þrátt fyrir troðninginn. Svo skildu leiðir og Margrét fór með pabba sínum að kaupa eitthvað handa mér. Hún hefur mjög gaman af því að láta hann kaupa eitthvað. Þau eru í alvöru mjög góð saman. Ég fór að redda síðustu hlutunum. Komin heim um 8, og þá var soðið spaghetti og horft á jólamynd. Notalegt og gott kvöld. Svo var sofið lengi í morgun. Var ekki vöknuð fyrr en undir 9, sem kemur nú ekki oft fyrir.
Margrét er að lesa undir próf. Klaus að lesa "alvöru" dagblað. Keypti sér Die Zeit. Svo er hann að fara í göngutúr, og ég að hugsa um að fara með. Stillt veður og ein 4-5 stig.
Hafið það gott. Eins og Malla segir--ekki vera neikvæð, og farið í jólaskapið :) Það er svo margt að hlakka til.