8.desember.

Má til að skrifa smá á afmæli afa Sigga. Mér er alltaf hugsað til ykkar á afmælisdögum fjölskyldumeðlima. Það er skrítin tilhugsun að þeir, sem við ölumst upp með, skulu allt í einu vera farnir. Við ættum oftar að hugsa til þess hvað við eigum gott að eiga okkar fjölskyldu og njóta þess að hafa samband við hana. Hérna úti sér maður best hvað margir eru einmanna og eiga litlar fjölskyldur. Við erum sannarlega rík, þó ekki sé það í peningum mælt.
Er einstaklega hamingjusöm með að hafa fengið athugasemdir frá frænkum undanfarið, sem sjaldan og aldrei hafa sést hér áður. Hún Fríða litla frænka mín er komin í hópinn, sem nennir að pikka smá kveðju til frænku í útlöndum. Takk kærlega fyrir kveðjuna,- og við höfum mikinn áhuga á að komast upp í sveit. Það fer eftir færð og veðri. Okkur Maddý langar mest að vera í Garði á áramótunum, en það fellur nú ekki vel í kramið hjá okkar dætrum :) Er að skrifa jólakortin, og var svo á fundi í vinnunni. Margrét í eftirliti með burstun á tönnunum. Allt í besta eins og við var að búast. Búið að veita henni opinbert leyfi að fara á föstudaginn, sko til! Engin jólaböll hér frekar en fyrri daginn. Hvorki í leikskólum, í grunnskólunum eða í menntaskólunum. Nei, hér er alvara lífsins sko mikilvægari en böll. En nú erum við að koma í fjörið!
Verður Lilla búin að þvo rauða dregilinn og sykurkerið áður en ég kem?