Þetta veður.

Við Margrét erum enn kvefaðar og latar. Liggjum og lesum í bókum, og nennum ekki miklu. Rákum Klaus út í göngutúr því hann er ekki í þunglyndi út af veðrinu og kvefinu:) Og viti menn--það kom smá sólarglampi rétt áðan! Verð bara dugleg á morgun, og tel mér trú um að ég sé jafn fljót að öllu og Affí,híhíhí. Ekki langt í laufið á runnunum, og kominn smá litur á sum trén. Það verður líklega sprenging bráðum og allt breytir um svip.
Í gær kom Doreen í enskutíma til mín. Hún ætlar að koma vikulega. Bjó til heitu eplaköku Stínu og við gæddum okkur á henni bæði í gær og áðan. Það var nú bara pakkasúpa í hádeginu, og stendur til að gera kartöflulummur í kvöld. Annars nenni ég ekki að vera til, -en á slíkum stundum er bara best að stinga nefinu ofan í bókina. Er að lesa vampírubækurnar hennar Margrétar. Hressilegar bækur og slatti af rómantík.
Hringdi í afa, sem var einn heima og vissi ekki mikið um hlutina :) Mamma farin á sýningu, hjá Gumma, en ég hélt að þetta væri útsala??? Og hann vissi ekki hvort Gummi væri fyrir norðan. En ætli maður heyri ekki fljótlega í þeirri gömlu. Þarf að senda pabba netfang Ritters, sem verður sjötugur á þriðjudaginn.
Mér finnst að þið ættuð ekki að kjósa Didda nema hann lofi að styðja sérstaklega skólann hennar Möggu Pálu, sem er ekki snobb skóli, heldur skóli eins og Walddorfskólarnir. Hahahahaha Diddi minn! Og svo þarf hann í danska kúrinn til að geta farið á þing!!!! Þú sérð elsku bróðir að ég hugsa mikið til þín--ótal kossar og bestu kveðjur og góða helgi til þín og ykkar allra.