Sennilega síðasti snjórinn.

Hér snjóaði í gærkvöldi og var vel þykkt snjóalag þegar við fórum að hátta. Næstum allt horfið í morgun, og þoka liggur yfir skóginum. Spáð smá hlýnandi, sem væri kærkomið.
Gaman að frétta að Ástþóri hafi fundist spennandi að fá kveðju á síðunni minni. Þessi tækni færir mann mikið nær ykkur öllum. Enn meira gaman ef fleiri skrifuðu. Miðað við hversu margir eru komnir með síðuna eru það fáir,sem pikka kveðjur. En líklega tapa ég samkeppninni við Facebook :) . Margrét var þreytt eftir langan skóladag í gær, og leiðinlegan íþróttatíma. Gott að komast heim í núðlubakstur, og horfa á sápuna okkar, sem er nú að enda í næstu viku. Hvað eigum við þá að gera af okkur! Reyndar tekur við ný þýsk sápa, og kannski við kíkjum á hana, :)
Töluðum við Arnhildi, sem var hin hressasta. Búin að búa til glermuni í Punktinum. Byrjaði ekki glæsilega því diskurinn hennar var inni í ofni, sem bilaði og skemmdist því. En þá var bara búið til nýtt. Hún fer heim í dag í heimsókn og Kristín hlakkar til. Er nú farin að sakna mömmu sem von er. Við erum fegin að helgina sé að nálgast. Óskum ykkur góðrar helgi og knúsið börnin og liggið lengi í bælinu með þeim og slappið vel af. Saknaðarkveðjur frá Meinersen.