Betri í bakinu.

Laugardagskvöld, og við gömlu búin að horfa á krimmann, sem var voða sorglegur. Ein af uppáhaldslöggunum dó barasta. Að fara svona með mann :) Margrét var að nota nýju tæknina og horfði á mynd í tölvunni. Við töluðum og horfðum á Þórdísi og Didda í gær í gegn um "vebkammeru", frábært að komast í svona samband. Hver ykkar er með Skype-- við erum til í að tala/ horfa á sem flesta !!!

Heilsan er miklu betri í dag. Ég lifi nú líka á verkjatöflum, og sat í gær í marga klukkatíma með hitaflösku við bakið. Fegin að geta aftur gert eitthvað. Við gömlu fórum að ná í mulinn börk, mauraeitur, sniglaeitur og nokkur sumarblóm. Svo stóran poka af grillkolum. Plokkaði illgresi, og við settum börkinn yfir. Svo setti ég mottu á beðið við "tjörnina" og mokaði litlum steinum yfir hana. Hún á að virka sem bremsa á illgresið. Það fer að koma að því að þessi tjörn skarti sínu fegursta, en eftir er að gera kant í kring. Þorði nú ekki í það í dag, enda fékk ég örugglega í bakið eftir að setja kantsteina niður um síðustu helgi.

Margrét var að læra fyrir próf. Hún var smá slöpp og illt í hálsinum. Kannski er hún með eitthvert ofnæmi og fær þess vegna í hálsinn. Það er að segja hún er jú með ofnæmi, og þessi húsmóðir þrífur sjálfsagt ekki nógu vel :) En hún er bara brött núna.

Ég bakði eina köku með kaffinu. Verslaði í Rewe, og kvöldmaturinn var grillmatur. Ég er alveg forfallin í sætar kartöflur, og hef þær sem oftast. En þau feðgin vilja nú ekki líta við þeim.
Það er svo sem ekkert að segja nema garðvinna að venju og fáa sér maður eða heyrir. En það ætti að breytast ef við fáum góðar heimsóknir frá Íslandi í sumar!!!!
Hafið það gott á laugardagskvöldi. Saknaðarkveðjur.