Barasta nýklippt.

Föstudagskvöld. Margrét búin í skólanum hálf þrjú. Við borðuðum soðinn lax fra Aldi, hinn besta lax, og skelltum okkur svo til BS. Himneskt veður. Sól og ein 24 stig. Reyndar sólarlítið í morgun, og leit út fyrir rigningu, en hér heldur allt áfram að skrælna. Ég var að klippa blóm og greinar um tíma í morgun. Er alltaf að verða hressari. Sjúkraþjálfarinn minn, sem er æðislega indæl kona frá Póllandi, kennir mér fleiri og fleiri æfingar. Ég á svo að velja úr, og skiftast á að gera þetta og hitt. Er komin með dýnu inn í stofu, og vona bara að ég verði dugleg að æfa mig.
Dreif Klaus í gönguferð í gær þegar hann var rétt kominn inn úr dyrunum. Hann sveikst svo um að fara í dag þar sem ég var ekki til að reka hann af stað. Ég sjálf gekk alveg nógu langt í bænum.
Fór í klippingu hjá konunni, sem klippti dætur mínar. Er bara hin ánægðasta, og vona að mér takist að halda þessu við. Og neyða mig til að fara oftar í klippingu, sem er eitt af því leiðinlegasta sem ég geri. Margrét fór í uppáhaldsbúðirnar sínar. Við keyptum svo hettupeysu fyrir veturinn og BH á hana. Vildi að ég þassaði í allt eins og hún ! Keypt te, og svo lá leiðin heim. Búið að klára núðlusalatið, sem ég gerði í gær, og borða brauðið fína, sem ég skellti í ofn fyrir kvöldmatinn. Vantaði eitthvað í nesti handa Margréti. Svona er það þegar engin Arnhildur er hérna, sniff, sniff.
Skrapp í smá stund eftir kvöldmatinn til Frau Kühle með hálft brauð og spjallaði smá við hana.
Við mæðgur horfðum svo áðan á sápuna okkar, sem við tókum náttúrlega upp til að hverfa úr þessum heimi yfir í aðra og meira spennandi. Svo er Margrét komin á kaf í Grace, -Klaus kominn í háttinn og ég að fara þangað fljótlega.
Nú, pabbi með kæfisvefn. Ég hélt að það væri löngu vitað! Eins gott að eitthvað verði gert í því.
Bestu kveðjur nær og fjær. Góða helgi.