Sólardagar.

Og enn skín sólin eins og svo oft hér á haustin. Ég tók mig til og þvoði gluggana í stofunni í gær og pússaði þá að innan í morgun. Ekki ljótt að horfa út núna um hreina glugga á síðdegissólina.
Hafði ekki mkinn tíma í morgun því ég þurfti til Celle. Lér mæla taugarnar. Það var sett eitthvað drasl á hausinn á mér, og svo fékk ég rafmagnsstuð hér og þar í fæturna. Ekki beint notalegt, en tók fljótt af. Allt í lagi þó að þær séu eitthvað hægari en áður. Maður er jú orðinn eldri, ó já. Þannig er það nú. Læknirinn sagði mér að borða mikið af dökkum berjum, ávöxtum og grænmeti til að aðstoða taugaendana og ég lét svo plata mig til að kaupa töflur til að heilsan yrði bara fullkomin, hahaha. Sjáum til hvað gerist með inntöku þeirra.
Kom svo við hjá Sabina Sass, mömmu Birthe. Hún var á leið út úr dyrunum. En við mæltum okkur mót næsta miðvikudag. Og þá ættum við að geta spjallað mikið:)
Kíkti svo í bæinn og keypti slatta af brauði í uppáhaldsbakaríinu okkar. Rúsínubrauð og fléttu með muldum sykri. Og stansaði í þorpi, sem er með svona bændaverslun. Þar fást krukkur með ýmsu góðu í . Svo ég hef nóg í matinn í næstu viku.

Margrét er komin til Rakelar. Þeim ætti ekki að leiðast. Stefnt er í bíó á morgun. Harry Potter. Vonandi að fjórða tilraunin takist. Það var fjör í ungbarnasundinu á fimmtudaginn. Nú var stelpunum díft á kaf og það gekk rosa vel og mikið fjör.
Amman frá Þýskalandi er í heimsókn og sambýliskona hennar með henni. Í gær átti að vera spilakvöld, sem dóttri mín / dætur kunna vel að meta.

Ég fékk sorglega frétt frá Dísu vinkonu um að pabbi Hildar í Oslo væri látinn. Hann var kominn með krabba. Svo Hildur, sem er nýbúin að klára síðustu lyfjameðferðina, þarf heim í lok mánaðarins. Jarðarförin þann 30.9. Já, stundum gerast hlutirnar skjótt.

Var að tala við pabba í símanum. Þau gömlu á leið til Húsavíkur og ætla að gista þar í tvær nætur. Mér líst nú vel á það.
Það eru komnar nýjar myndir hjá Svanhildi. Voða sorglet að enginn nennir að kvitta fyrir sig. Það er manni svo miklis virði að vera ekki að þessu bara fyrir sjálfan sig.
Og hjá Möggu Töggu er líka nýtt blogg.

Spáð er 21 stigs hita á morgun. Svo ekki fer Klaus á háaloftið að klára gluggann, hehe. En við ætlum að fara að læra á nýju/gömlu myndavélina, sem pabbi gaf okkur. Búin að redda filmum. Og svo gæti verið að ég kæmi honum í girðingarmálningu. En líklega förum við frekar í hjóltúr.

Hafið það gott og góða og rólega og fjölskylduvæna helgi--