Letidagur.

Í dag er bara letistuð á okkur gömlu hjónunum. Reyndar klippti ég græna rúnnann, sem er framan við eldhúsið. En það tók ekki langa stund. Svo sat ég lengi með kaffibollann minn úti á veröndinni, sem ég sópaði svo flott og lagaði til á, fyrir helgina. Klaus var sko ekki til í að setja síðasta stykkið í gluggann á háaloftinu og við settumst framan við imbann klukkan 4 og horfðum á krimma, sem við tókum upp nýlega. Já, svona fór með það. Bara leti og ekkert annað:)
Var líka svo dugleg í gær að mig verkjaði í puttana á eftir. Hreinsaði meðfram nokkrum beðum. Setti niður steina við nýtt beð og það er alltaf mikil vinna. Dúllarí og meira dúllerí.

Það var gaman að heyra að Sigurður Ágúst kom norður. Margrét skæpaði í gær við þau öll í Litluhlíðinni og það var gaman fyrir hana og ekki var mamma síður ánægð að sjá Margréti. Og nú er ég komin með skæpadressuna þeirra og get farið inná þetta við tækifæri.
Í dag ætlaði Margrét til Drammen að hitta nýju vinkonuna úr norskukúrsinum. Vonandi ekki í grenjandi rigningu--hehe. Það er víst að koma haust þarna og kalt orðið. Margrét ekki of hrifin af veðrinu. Og svo er annar mínus að ekki fæst súkkulaði á brauð, eða bollur eins og í Danmark:) Það er ansi margt, sem mælir með Danmark sem framtíðarlandinu--ó já, --og ekki síst að það sé komin ný stjórn, sem er vinstri sinnuð.

Við Klaus söxuðum síðastu hrúguna af greinunum á fö. Held að nágrannarnir hafi verið búnir að fá nóg eftir klukkustund og korter! Þetta er náttúrlega ekki lágvært tæki, hehe.
Við skiluðum tækinu svo áðan til Frau Kühle og verði meira klippt, þá fer það í söfnunina í nóv. Þá koma kallarnir og taka greinabúnt, sem sett eru á stéttina.

Var að sjóða engifer og ætla að setja sítrónu úti samkvæmt ráðleggingum Maddýjar. En brávantar cyannpipar. Er svo löt orðin að koma mér út í búð. Verð víst að fara á morgun :) Og svo verður þetta drukkið daglega--og allt verður gott:)

Svo er ég að prjóna ullarsokka og komst að því að ég er orðin gleymin. Þurfti að hringja í mömmu að fá aðstoð. Og svo er lopinn, sem ég keypti síðast, miklu þynnri en sá, sem ég átti og er byrjuð á. Svo ég verð þá að nota afganga af hinum. Redda því nú.
Er voða montin að vera farin að elda hollan morgunmat--hafragraut með frosnum bláberjum. Batnandi manni best að lifa,hehe.
Annars fátt í fréttum. Garðvinna og hitt og þetta og dútl og snúningar.
Reikna með að fara til Hannover á þriðjudaginn. Vantar efni til að klára bútasaumsteppi Margrétar, sem ég byrjaði á fyrir meira en 7 árum!!!
Fann nefnilega flotta búð þegar ég var þar síðast. Og í leiðinn ætla ég að hitta Ramonu.
Jæja, nú kíkir sólin fram og er að fara að kveðja í dag.
Hafið það gott. Bestu kveðjur----.