Affí farin til Köben.

Laugardagur, klukkan að verða 12. Held ég hati rigninguna, sem var að rennbleyta þvottinn, sem ég gat ekki hengt upp í gær fyrir rigningu. Setti svo út áðan í glampandi sól, og varla komin inn fyrr en hann tók til eina ferðina enn :) Klaus segir að það séu til verri hlutir en blautur þvottur:):)
Já, við erum sem sé komnar í frí við mæðgur. Ekki hefur þó vinnan minkað, enda var verið að taka til áður en Affí kæmi. Eða að minnsta kosti að reyna það:) Eldhúsið er ferlegt, og líklega fer ég í það í dag. Þegar bæði Affí og Malla koma verður maður nú að þykjast vera þrifinn :)
Margrét þurfti ekki að sitja eftir nema í tíu mín.á miðvikudaginn. Kennarinn sagði að þau hefðu átt að segja henni að þau hefðu skrópað og út af hverju, ekki bara fara. Hver tilkynnir skróp fyrirfram:)? Margrét fékk viðurkenningarskjal fyrir enskuframmistöðuna. Og var ósköp ánægð með það. Maria kom heim með henni, og við skutluðum henni heim í leiðinni til Gifhorn til tannlæknis. Margrét fékk teygjur, sem eru frekar ömurlegar. Varla hægt að opna munnin almennilega, en hún er dugnaðarforkur, og ber þetta allt með þolinmæði.
Við tókum svo hennar herbergi í gegn á fim., og skruppum svo í bæinn til Bs. Ætlaði að redda sætismiðunum til Köben, en það er enn vesen hjá Dönum í tölvukerfi lestanna, og við fengum engin sæti. Skruppum í búðir, og keyptum--þrátt fyrir áform um mikinn sparnað--3 boli á tilboði í Vero Moda. Svo var rennt til Ikea. Þar keypti ég tvenn sængurverasett, sem ég þvoði í gær, og sendi Affí með til Köben. Við notum þau svo þar líka, og skiljum eftir handa Eiríki sem smá þakklætisvott fyrir íbúðarlánið. Þau eru örugglega í stíl aðdáenda nútíma listamanna. Eins og léreftspoki á litinn, og vantar bara smá rauða bletti til að minna á ryðbletti. Smá joke :)
Aumingja Sigyn að vera komin inn í svona íhaldssama famelíu, en gott ef allir geta gert að gamni sínu, ekki satt. ( Í alvöru eru þetta fína sængurföt:) )
Svo í gær var þrifið af krafti. Enda öll gólf skítug, og baðið ferlegt, og svo framvegis. Affí hringdi svo um hádegið. Hvort þessi þrjú, sem með eru í ferð, gætu fengið gistingu hérna í bænum. Ekkert mál. Þau komu svo öll hingað, og miklu fyrr en ég hélt. Var ekki búin að komast út í búð að ná í bjór, og átti bara bjór með sítrónublandi. En þau drukku hann nú, og fengu svo hvítvínið góða, sem mamma er alveg forfallin í :) Og fengu kaffi og kex. Heldur lélegar veitingar.
Svo fylgdi ég þeim til Ahnsen, og þau fengu rosa sæt herbergi í litlu "Playmobil" húsi. Huggulegt, og tandurhreint. ( 70 fyrir tvo, 40 fyrir einn)
Við Affí og Elli skruppum svo út í búð. Elduðum saman kalkúnbringur og vorum með osta, kex og vínber. Voða notalegt, og mikið spjallað. Þau fóru svo af stað fyrir tíu í morgun, og hlökkuðu mikið til að fara til Köben.
(Ég veit að þið trúið því ekki að ég sendi með þeim smá af mat handa okkur Margréti svona til að hafa þegar við kæmum fyrsta kvöldið, og til að spara smá :) :) :) )
Þau vildu ekkert nesti nema eitt rúndstykki og eina kók. Nægjusamt lið.
Þau eru á þessum fína Benz, og verða líklega að borga skaðabætur þar sem Affí er búin að gera svo mikil för í gólfið eftir að Elli ók 150 á hraðbrautinni--ha, ha, ha.
Margrét var farin til Birthe til Celle rétt um tíu mín. áður en þau komu. En þau sjá hana nú eftir helgi. Kannski gistir hún líka í nótt. Fæ hringingu á eftir.
Klaus er reyndar að fara að gera skattayfirlitið á eftir. Batnandi manni er best og svo framvegis.
Hann Vigfús tengdasonur á afmæli í dag.
Til hamingu með daginn Fúsi minn !!!!!! Mér skilst að þau Arnhildur hafi farið í útilegu í gær. Vona að þau skemmti sér vel.
Jæja. Klaus bíður eftir tölvunni. Góða helgi og hafið það öll gott.