Á sunnudagskvöldi.

Mikið rosalega flýgur tíminn áfram. Vikan var rétt að byrja og er búin. Við fengum eina 4 daga án rigningar, svo að segja. Í gær var æðislegt veður og í dag ágætt. Svo er rigningarspá og hvasst framundan. Nú þegar farið að hvessa eitthvað. Þeir sviku mig um krimmann klukkan 20.15, og í staðinn er mynd um Bader-Meinhoff hópinn, sem framdi hryðjuverk á sínum tíma. Fékk nóg af öskrunum og blóðinu í byrjun og settist frekar við tölvuna. Og svo er seinni sunnudagskriminn á sínum stað, klukkan tíu,. Síðasti þátturinn af fimm frá Danmark, Protectors. Fínustu þættir.

Í gærmorgun vann ég eina törnina enn í garðinum. Man ekki eftir að hafa plokkað illgresi í nóvember áður. Farið að springa út á runnum. Þetta er ekki gott því hann skellir örugglega frosti á okkur næstu daga. Loks búin að koma allri moldinni á beð. Þessari, sem við fengum úr safnkassanum. Við hjónin slógum grasið í samvinnu , og ég rakaði mest allan garðinn. Þreif svo stofugluggana að utan. Og veitti nú ekki af. Hef ekki þvegið þá frá því í vor, kannski í maí eða fyrr. Hver setur svarta gúmmílista á glugga úr hvítu plastefni? Svo maður fái svartar rákir á hvítu karmana. Ætli það hafi ekki verið karlmaður, sem fann þetta upp :)
Í dag tók ég tvo glugga uppi í gegn og svo verður haldið áfram áður en jólaljósin koma í gluggana.

Klaus hreinsaði þakrennuna, lagaði hurðina í forstofunni, hún hallaði niður. Gerði við haldfang á annarri hurð. Setti peru í loftljósið á baðinu og gekk frá einum stól í viðbót með mér. Hann hlýtur að vera lasinn!!! Nú er ekki til efni í síðasta stólinn og ég steingleymdi að kaupa efni í Ikea í gær.

Við mæðgur skelltum okkur nefnilega í bæinn í gær. Fórum fyrst til Ikea , og keyptum jólapappír. Rosalega margt fólk þó að klukkan væri um fjögur. En það er alltaf margt þar. Svo í rólegheitin í innbænum í BS en þar er gott að vera seinni partinn á laugardögum. Fengum m.a.s. uppáhaldsstæðið okkar í bílageymslunni. Voða happy. Engin eyðsla í kaffihúsi, ó nei. Bara verslað og farið heim. Svo horfðum við á gamanmynd um tvo gaura, sem svindluðu sér inn í brauðkaupsveislur. Wedding-Crashers, fyndin og vitlaus.

Á fö. sóttum við bílinn, sem fór í viðgerð til Gifhorn um morguninn. Margrét fór með mér í Real, okkar "Hagkaup". Hún var mjög afslöppuð um helgina þar sem hún á bara eftir eitt próf, ensku á morgun.
Lærði bara ekkert í gær, sem kemur nú ekki oft fyrir. Við horfðum á Spidermann tvö, sem ég hef ekki séð áður. Svo er verið að taka upp númer þrjú. Við kíkjum á hana við tækifæri.

Pabbi farinn suður og verður í viku eða meira. 3 læknatímar. Hjá þremur læknum. Mamma náttúrlega búin að kaupa sér soðinn fisk og stefnir á að fá sér saltfisk líka. Á Akureyri er allt í kafi í jólaundirbúningi þar sem Kristín kom norður með tvíburana og Margréti. Laufabrauð og mömmukökur. Ekki amalegt.
Hér á bæ er ekki byrjað að baka. Geymslan þó orðin hrein,og svo byrjuð á gluggum sem fyrr segir. Jólin koma alltaf svo skyndilega :)

Hafið það gott, og njótið þess að vera innan um fjölskyldu og vini.