Góða helgi.

Föstudagur, og ég var vöknuð klukkan 5 í morgun. Veit ekki hvað fj---vesen það er á mér að geta ekki sofið á morgnana. Líklega stress, eða? Margrét þurfti á fætur klukkan 6. Hún fór með árgangnum til Berlinar , á þremur rútum. (hún bara í einni!) Spennt að frétta af ferðinni, en engin hringing enn.
Margrét hlakkaði rosalega mikið til, og ég vona að þau verði ekki í marga tíma í teppu sem er nú oft á þessari leið. Sótti hana í gær í skólann. Hún var með svo mikla verki. Tók í morgun með verkjatöflu, vatn og glas---við erum sko góðar í skipulaginu :) Hún ætlaði að hressa sig við í gær með spjalli við Arnhildi, en þá var hún enn í bælinu, frekar slöpp og lasin. Ástand á þessu liði. En þau gömlu eru aldeilis hress finnst mér.
Hér er aftur sól og blíða. Spáð rosalega góðu veðri á sunnudaginn. Ég fór upp í skóla til að aðstoða Frau Kühle í kennslu, og búin að fara í sturtu og er orðin ný og betri manneskja.
Við Klaus skreppum á morgun í grill til Gregors, í hádeginu. Mágkonu minni þykir betra að borða heitan mat í hádeginu. Þessir þjóðverjar :) Margrét ætlar að sofa vel út og taka lífinu með ró.
Góða helgi og vonandi góða niðurstöðu úr kosningunum !!!!!!!