Páskafrí, þvílík dásemd.

Þá er fyrsta vikan liðin af þessu yndislega fríi. Ef hægt væri nú að stoppa tímann um stundarsakir. Það væri bara hið besta mál. Við erum á fullu og manni finnst ekki mikið klárast, en þetta smá hefst. Á laugardaginn get ég losnað við greinar og er því að klippa sem mest ég má. Get farið með þær á bálköstinn hjá slökkviliðinu. Maður gefur svo smá upphæð til styrktar þeim. Klaus hefur mikið að gera í vinnunni og er á morgun enn að vinna. En er svo kominn í frí. Svo það er lítið gagn að honum enn sem komið er. Eins og stundum áður, hmhm.:) Hrúgan er orðin stór af nýklipptum greinum og greinum frá í haust.
Svo er maður að þrífa og laga beðin, setja niður nokkur blóm og dúlla sér við hitt og þetta. Þvotturinn allur þveginn, en sú gleði stendur ekki lengi. Allt straujað-og sama athugasemd fylgir því :)

Margrét komin með bílpróf, og er afskaplega hamingjusöm. Ég náttúrlega líka. Hún fór í það á þriðjudaginn, og allt gekk ljómandi. Við kítum smá í bæinn, Gifhorn, og renndum svo heim. Svo var ekið-Margrét ók!-til Ikea í BS., og verslað þar. Margrét átti gjafabréf,og keypti sér kúlulampa og myndaramma. Ég gaf henni skrifborðsstól, sem var sannarlega kominn tími til. Hennar var allt, allt of lítill. Auðvitað rataði ein súkkulaðiterta í innkaupatöskuna og grafinn lax, saft, sósur og fleira. Við settumst inn á teríuna, en þá voru bara ekki til neinar spennandi kökur, sniff, sniff. En ég fékk mitt ókeypis kaffi þar sem ég er með Ikea family kort.

Í gær fórum við aftur til Gifhorn -hver haldiði að hafa ekið! Það þurfti að laga gleraugun hennar Margrétar. Keyptum hettupeysu og gallabuxur á KD, og svo fengum við okkur fyrsta ís sumarsins.
Í dag var unnið í garðinum og straujað, og skroppið í búð. Splæsti aftur ís á okkur. Það var 20 stiga hiti !!!!!Og svo fórum við í gegn um bókapantanirnar frá skólakrökkunum. Reikna út upphæðirnar, bera saman, telja peninginn. Og í því rákumst við á tvö umslög með skilríkjum! Sama dag og ég var í Leiferde í skólanum að ná í þessar pantanir, var verið að safna saman skilríkjum fyrir krakkana, sem voru að fara það kvöld í skíðaferð til Austurríkis. Og einhvern veginn hafa þessi tvö umslög lent ofan í stóra umslaginu mínu. Sennilega legið á borðinu hjá einkaritaranum. Hringdi í hvelli í mömmurnar, sem voru heldur fegnar að fá þetta. Komu straks að ná í þetta. Enginn skilur hvernig þetta gerðist. Og þar sem við Kerstin ætlum ekki að panta bækurnar fyrr en á sunnudaginn var ég ekkert að flýta mér að fara í gegn um þetta. Enda átti ég ekki von á slíku.

Við mæðgur stefnum á ferð til BS á morgun. Það er orðið langt síðan við höfum verið þar í næði. Næst er svo að fara í byggingavörumarkað og velja lit á holið og stigaganginn. Og fara að mála það sem fyrst. Stefnum á gráan lit eða sandlit, -kemur í ljós. Og kannski við drífum litlu forstofuna af í hvelli líka. Himberjarauður er óskin. Þyrfti að mála eldhúsið, vinnuherbergið----og ---og. En í bili er mikilvægt að koma trjánum frá, og fá mosatætivélina hjá Gregor. Þau fara í frí að Norðursjónum á fimmtudaginn eftir viku. Ramona kemur norður til að leita að íbúð. Hún fær vinnu í Hannover 1. maí. Það er æðislegt.
Vona að vorið koma fljótt til ykkar líka. Við eigum nú að fá rigningu á morgun og ekki er nú allt búið með næturfrost og slíkt. En þessi harði vetur er liðinn, eins gott.
Hafið það sem best. Vonast eftir mörgum kvitt, kvitt :)