Nokkrar línur meðan ég er enn 54 ára :):):)

Það er bara verið að skora á mann að blogga meira! Ekki get ég valdið klappliðinu vonbrigðum, eða hvað:) Hér er rok-eða næstum því. Rigning og kalt. En samt kom sólin fram af og til og gladdi okkur. Smá öfund að frétta af alvöru snjó, en samt--við fengum eiginlega alveg nóg af honum í vetur. Allt í lagi meðan ekki er hálka.
Við mæðgur renndum til Gifhorn í læknisferð. Gekk allt vel. Margrét ók af alkunnum dugnaði. Við kíktum í búðir. Fundum tvær jólagjafir. Þeð gengur hægt, en hefst á endanum.
Svo fann ég ljósaseríu til að setja í blómapotta eða í beð úti. Það eru 5 tré, voða sæt. Ég keypti alveg eins í fyrra. Og vann það afrek að rugla saman spennibreytum, og setti allt of háan straum á grei trén, og allt brann yfir. Ég var svo svekkt. En nú get ég hlakkað til að njóta ljósanna þegar aðventan hefst. Sem er nú alveg að koma að. Tíminn er bara með æðiber í rassinum, eins og maðurinn sagði.

Við bökuðum svo heimilisfrið og bananamöffins er heim kom. Ekki nein veisla á morgun, en Frau Kühle og Herra Albrecht koma í morgunkaffi klukkan tíu. Eftir hádegið ætlum við til BS í bíó og kannski á kaffihús. Kannski í Ikea. Sjáum til.

Við erum búin að plan það að Arnhildur komi til okkar. Sennilega 15. nóvember. Og verði hér í tvo mánuði. Hún fær ekki tíma á þessari deild nema eitthvað smá áfram. Og við viljum endilega hafa hana -sem þræl auðvitað- í jólaundirbúningnum. Og á síðustu jólum Margrétar sem heimasætu í föðurhúsum. Kristín verður hjá pabba sínum og það ætti allt að ganga vel. Hann er heima á aðfangadag þetta árið. Já, það verður léttir fyrir Affí að vera með færra fólk í mat á aðfangadag, ekki satt systir góð! Allavega erum við himinsæl.

Erum himinsæl með niðurstöðuna úr ristilspegluninni líka. Þetta var mun minna mál en ég hélt. Var svæfð og þetta tók bara einar 20 mín. Hvíldi mig í aðrar 20 mín. Susanne mágkona ók mér fram og til baka. Þessi drykkur var svo sem ok. En það var mun verra að drekka þetta um morguninn. Þá var maginn bara fullur og mér var frekar óglatt. Ég var búin að vera með miklar þenkingar um lífið og tilveruna. Fannst svo vel geta komið til að mér yrði kippt út af þessari jörðu. Eiginlega væri ég búin að fá svo mörg tækifæri til að gera góða hluti og hefði ekki nýtt þau. Og hvort ég fengi nokkuð að reyna betur.... Já, maður er stundum ruglaður. En ég ætla að gera mitt besta til að vera góð og dugleg--og fá að taka lengur þátt í öllu þessu, sem fylgir okkar jarðnesku tilveru. Það er nú líka þannig að ekki fara alltaf þeir, sem minnst hafa áorkað. Maður skilur þetta ekki alltaf. En að minnsta kosti má maður vera sæll með að vera heilbrigður og eiga yndislagr dætur, góða fjölskyldu og elskulega eiginmann. Ver aekki skuldug og vera ekki voða heimsk. Þetta er nú bara tölvert, eða finnst ykkur það ekki?

Á morgun verð ég svo 55 ára. Flott tala og vonandi bíður mín flott ár. Fyrsta heillaóskin kom áðan í símtali. Nina hringdi í kvöld þar sem hún reiknaði með að ég fengi gesti á morgun. Sagði henni af ósk Margrétar um vinnu í Danmark. Og hún ætlar að hafa það bak við eyrað. Sagði líka að KD yrði fermd og mamma 75. Sem hún vissi. Mér finnst að við ættum að bjóða Ninu og Svend og Birthe í fermingu og afmæli. Þau eru hluti af okkar fjölskyldu og mér þætti æðislegt að sjá þau. Hvernig mamma ætlar að hafa með afmælið veit ég ekki. En það verður að vera allavega "bröns" eða álíka. Ekkert geðveikt. Veit jú að hún vill aldrei hafa vesen. En við hittumst nú ekki oft öll systkinin. Hvað finnst ykkur um Ninu / Birthe hugmyndina?

Fríið nú að verða búið. Einhverju kom maður í verk. Við Margrét fórum til Hannover á mánudaginn á Infa. Smá verslað og mikið skoðað. Keypti eina jólakúlu, sem er eins og ein gömul, sem ég fékk frá Estrid. Bara stærri. Ekki til neinar fleiri nema rispaðar. Á eftir settumst við niður á Starbucks, og fengum okkur kaffi og kanilsnúð. Það er alltaf hámark alls. Við erum nú ekki að fara á veitingahús eða eyða í föt og góss. Já-meðan ég man. Ég skilaði öðrum buxunum. Þær voru heldur þröngar i mittið. Svo ég get nú slappað af og hætt að vera með samviskubit, hahahaha.
Við erum enn að diskutera hvað ég eigi að gera við þessar 200 evrur, sem ég fékk fyrir pössunina. Susanne segir að ég eigi alls ekki að kaupa neitt, sem mig vanti heldur eyða þessu í eitthvað skemmtilegt. En mig langar mest í þarfa hluti! Mér finnst mest gaman að fá mixara og brauðvél, hitabrúsa eða pönnu.:) Veit að ég er spes!!! Langar reyndar mest í múminkönnu og disk!

Jæja. Þá styttist í að 22.10. renni upp hér í Þýskalandi. Best að koma sér í háttinn og sofa vel og dreyma vel á þessum síðustu og bestu tímum! Hafið það gott öll nær og fjær.
20 mín eftir!!!!!!!!!!!!!